Raavâdviäsuh steŋgejuvvojeh äššigâsâin 9. njuhčâmáánu eennâmkuudijn, main epidemiatile lii viärráámus
Tiedote
Tiedote 8.3.2021, Ravintolat sulkeutuvat asiakkailta 9. maaliskuuta maakunnissa, joissa epidemiatilanne on vakavin, inarinsaame.
Pargo- já iäláttâsministeriö tiäđáttâs 8.3.2021
Raavâdviäsuh já eres piemmâmirâttâsah kalgeh leđe steŋgejum äššigâsâin 9.3.2021 rääjist. Laahâ já asâttâs šaddeh vuáimán vuossaargâ já majebaargâ koskâsii iijâ tme 00.00. Raavâdviäsuh láá steŋgejum äššigâsâin 28.3.2021 räi tain kuávluin, main tot lii velttid-mettum vâi epidemia levânem ooroost. Taah kuávluh láá koronavirusepidemia levânem- já jođálmummudo kuávluh sehe Keski-Suomi eennâmkodde, tastko eennâmkode epidemi-alogâliih tobdoslovoh västideh jođálmummudo kuávlu. Äššigâsah pyehtih kuittâg tiiláđ já viežžâđ purrâmuš.
Ovdâskodde tuhhiittij já täsivääldi president nonnij 8.3.2021 laavâ, main steŋgejeh raa-vâdviäsuid já eres piemmâmirâttâsâid äššigâsâin koskâpuddâsávt. Staatârääđi adelij siämmáá peeivi asâttâs, mast miäruštâleh eennâmkuudijd, main steŋgim lii vyeimist. Miärádâstoohâm vuáđudui THL äššitobdeeuáinun kuávlui tiileest.
Piemmâmirâttâsah kalgeh leđe steŋgejum äššigâsâin čuávvoo eennâmkuudijn:
- Uusimaa
- Varsinais-Suomi
- Satakunta
- Kanta-Häme
- Pirkanmaa
- Päijät-Häme
- Kymenlaakso
- Etelä-Karjala
- Etelä-Savo
- Keski-Suomi
- Etelä-Pohjanmaa
- Pohjanmaa
- Tave-Pohjanmaa
- Lappi
- Åland
Steŋgim pirrâdâhân iä kulluu čuávvoo eennâmkodeh: Pohjois-Karjala, Keski-Pohjanmaa, Kainuu já Pohjois-Savo.
Staatârääđi nubásmit asâttâs, jis steŋgim monnii kuávlust ij innig lah velttidmettum ađai jis miinii kuávluid ij innig lah epidemia levânem- tâi jođálmumtääsist tâi epidemia jođálmuvá monnii vuáđutääsi kuávluin. Velttidmettumvuođâ árvuštâlmist já miärádâstoohâm vuáđđun kevttih THL äššitobdeeárvuštâllâm.
Kuávlui jyehim epidemia vuáđu-, levânem- já jođálmummuddoid vuáđuduvá sosiaal- já tiervâsvuođâministeriö koronavirus estim hybridistrategia toimâvuáváámân.
Steŋgim čuácá puoh piemmâmsyergi irâttâssáid, spiekâstâssân pargoviehâraavâdviäsuh
Steŋgimnáál piemmâmirâttâsah láá eereeb iärrás kähviviäsuh, raavâdviäsuh, baarih já ijjâkerhoh, moh láá áávus aalmugân. Raijim kuáská meid terassijd.
Spiekâstâssân láá tuš toh raavâdviäsuh, moh iä lah áávus aalmugân. Steŋgim ij te kuoskâ ovdâmerkkân puárásijviäsui purâdemsoojijd teikâ pargoviehâraavâdviäsoid, moh iä lah áávus almos aalmugân.
Raavâdviäsuh já kähviviäsuh pyehtih steŋgim ääigi vyebdiđ viežžâmnáál purrâmuš njuolgist äššigâssáid tâi toimâttiđ taid jo-uv jieš teikâ eres palvâlusfällei peht äššigâssáid.
Eennâmkuudijn, moh iä lah raijiittâs pirrâduvâst, piemmâmirâttâsah pyehtih puát-teevuođâst-uv leđe áávus äššigâssáid. Taah irâttâsah kalgeh nuávdittiđ raijiittâsâid, moh láá adelum njuámmootavdâlavváin já ton vuáđuld.
Pargo- já iäláttâsministeriö valmâštâl huápulávt toorjâvyevi kuáhtulii sajanmáávsust irâttâssáid, moid steŋgimtooimah kyeskih. Toorjâvyehi olášuttoo uássin kuástádâstoorjân. Haldâttâs addel njuhčâmáánu ääigi sierâ iävtuttâs nubástusâin, moid taheh laahân kuás-tádâstorjust steŋgimtooimâi keežild.
Lasetiäduh:
haldâttâsräđiolmooš Liisa Huhtala, TEM, p. 029 504 7062
uásádâhhovdâ Antti Neimala, TEM, p. 029 504 7039
ráhtulâšvuotâräđiolmooš Mikko Huuskonen, TEM, p. 0295 063 732 (koččâmušah kuás-tádâstorjust)
Koččâmušah já vástádâsah raavâdviäsui steŋgiimist
Hallituksen esitys TEM/2021/40
