Restauráŋŋat steŋgejuvvojit áššehasain njukčamánu 9. beaivve eanangottiin, main epidemiijadilli lea duođalaččamus
Tiedote
Tiedote 8.3.2021 Ravintolat sulkeutuvat asiakkailta 9. maaliskuuta maakunnissa, joissa epidemiatilanne on vakavin, pohjoissaame
Bargo- ja ealáhusministeriija dieđáhus 8.3.2021
Restauráŋŋat ja eará biebmanfitnodagat galget leat steŋgejuvvon áššehasain 9.3.2021 rájes. Láhka ja ásahus boahtá fápmui mánnodaga ja disdaga vuostá ija d. 00.00. Restau-ráŋŋat leat steŋgejuvvon áššehasain 28.3.2021 rádjái dain guovlluin, main dat dat lea veal-tameahttun epidemiija jođálnuvvama botkema várás. Dát guovllut leat koronavirusepidemiija leavvan- ja jođálnuvvanmuttu viidodagat ja Gaska-Suoma eanangoddi, daningo eanangotti epidemiologalaš dovddaldatlogut dávistit jođálnuvvanmuttu viidodagaide. Áššehasat sáhttet liikká diŋgot ja viežžat biepmu.
Riikkabeaivvit dohkkehii ja dásseválddi presideanta nannii 8.3.2021 lága, main restauráŋŋat ja eará biebmanfitnodagat steŋgejuvvojit áššehasain gaskaboddasaččat. Stáhtaráđđi attii seamma beaivve ásahusa, mas meroštallojuvvojit eanangottit, main steŋgen lea fámus. Mearrádusdahkan vuođđuduvai DBL áššedovdioidnui viidodagaid dilis.
Biebmanfitnodagat fertejit dollojuvvot steaŋggas áššehasain čuovvovaš eanangottiin:
- Uusimaa
- Varsinais-Suomi
- Satakunta
- Kanta-Häme
- Pirkanmaa
- Päijät-Häme
- Kymenlaakso
- Lulli-Gárjil
- Lulli-Savo
- Gaska-Suopma
- Lulli-Nuortabađaeanan
- Nuortabađaeanan
- Davvebađaeanan
- Sápmi (Lappi)
- Ålánda
Steŋgema ollái eai gula čuovvovaš eanangottit: Davvi-Gárjil, Gaska-Nuortabađaeanan, Kainuu ja Davvi-Savo.
Stáhtaráđđi rievdada ásahusa, juos steŋgen muhtin guovllus ii leat šat vealtameahttun dehege juos muhtin guovlu ii leat šat epidemiija leavvan- dehe jođálnuvvandásis dehe epi-demiija jođálnuvvá muhtin vuođđodási guovlluin. Vealtameahttunvuođa árvvoštallamis ja mearrádusdahkama vuođđun adnojuvvo DBL áššedovdiárvvoštallan.
Guovlluid luohkáide juohkin epidemiija vuođđo-, leavvan- ja jođálnuvvanmuttuide vuođđuduvvá sosiála- ja dearvvašvuohtaministeriija koronavirusa goahcama hybridastrate-giija doaibmaplánii.
Steŋgen čuohcá buot biebmansuorggi fitnodagaide, spiehkastahkan bargoveahka-restauráŋŋat
Biebmanfitnodagat, mat steŋgejuvvojit, leat earret eará gáffestobut, restauráŋŋat, bárat ja idjakluppat, mat leat rabas álbmogii. Ráddjehus guoská maid terássaid.
Spiehkastahkan leat dušše dat restauráŋŋat, mat eai leat rabas álbmogii. Steŋgen ii nappo guoskka ovdamearkka dihte boarrásiidsiidda boradanbáikkiid dehe bargoveahkarestau-ráŋŋat, mat eai leat rabas eará áššehasaide.
Restauráŋŋat ja gáffestobut sáhttet steŋgema áigge vuovdit viežžanaddosiid njuolga áššehasaide dehe doalvut daid juogo ieš dehe doaimmahit eará bálvalusfálliid bakte áššehasaide.
Eanangottiin, mat eai leat ráddjehusa olis, biebmanfitnodagat sáhttet leat dás maŋásge ra-bas áššehasaide. Dát fitnodagat fertejit doahttalit ráddjehusaid, mat leat addojuvvon njoammudávdalágain ja dan vuođul.
Bargo- ja ealáhusministeriija válmmastallá hohpolaččat doarjjamálle govttolaš buhtadusas fitnodagaide, maidda steŋgendoaibmabijut čuhcet. Doarjjamálle ollašuhttojuvvo golludoarja-ga oassin. Ráđđehus addá njukčamánu áigge sierra ovdanbuktojumi rievdadusain, mat láh-kii golludoarjagis dahkkojuvvojit steŋgendoaimmaid geažil.
Lassidieđut:
ráđđehusráđđi Liisa Huhtala, BEM, t. 029 504 7062
osastopäällikkö Antti Neimala, BEM, t. 029 504 7039
industriijaráđđi Mikko Huuskonen, BEM, t. 0295 063 732 (gažaldagat golludoarjagis)
Ráđđehusa ovdanbuktojupmi TEM/2021/40
