Mo ruvkelága galggašii rievdadit? Muital oainnuidat neahttajearahallamiin ja háleštallandilálašvuođas
Riikkavuložiin ja organisašuvnnain lea dál vejolašvuohta váikkuhit ruvkelága ođasmahttimii. Bargo- ja ealáhusministeriija lea rahpan láhkaválmmaštallamis jearahallama ja ordne háleštallandilálašvuođa neahtas.
Ruvkelága ođasmahttima mihttomearrin lea buoridit ruvkkiid birassuodjaleami ja doaibmaeavttuid. Lassin ráđđehus háliida nannet ruvkkiid dohkkeheami báikkálaččat ja áššeoasálaččaid váikkuhanvejolašvuođaid.
Neahttajearahallan kárte oainnuid láhkaođastusa guovddáš áššiide
Neahttajearahallamii sáhttá vástidit 27.4.–18.5.2020 siidduin otakantaa.fi. Jearahallamis bivdit oainnuid earret eará čuovvovaš gažaldagaide:
- Mo buoridivččiidet ruvkeguovllu eanaeaiggáda sajádaga?
- Mo meroštalašit ruvkke váikkuhusguovllu (ovdamearkan geográfalaččat), vai ovdamearkan doaimmahárjeheaddji sáhtašii jo ovdal váikkuhusaid čuohcima earuhit ruvkke váikkuhusguovllu?
- Mo buoridivččet ruvkelága ja biraslobi oktiiheiveheami?
- Mo buoridivččet ruvkelága ruvkelága čuvvon lohpeproseassaid ja geavadagaid?
- Maid áššiid válmmaštallamis galggašii váldit vuhtii, vai doaibmasuorggi doaibmaeavttut dorvvastuvvojit?
Háleštallandilálašvuođas smávvajoavkkut gieđahallet láhkafidnu
Láhkafidnu vuosttas kommenteren- ja háleštallandilálašvuohta ordnejuvvo 27.5.2020 dmu 10–12 neahtas. Háleštallamii sihttet mielde 60 vuosttažin almmuhan olbmo, muhto jus almmuheaddjit leat eanet, sáhttá seammá dilálašvuođa ordnet guovtte háve. Mihttomearrin lea, ahte buohkat oassálastit besset ovttaveardásaččat háleštallat ođastusas.
Háleštallandilálašvuođas mannat čađa otakantaa.fi-jearahallama bohtosiid ja gullat muhtun riikkavulošsáhkavuoruid. Dan maŋŋá dilálašvuođa oassálastit juhkkojuvvojit smávvajoavkkuide, main háleštallat jearahallama bohtosiin ja áššis, mat leat badjánan riikkavulošsáhkavuoruin. Juohke smávvajoavkkus lea iežas láidesteaddji, guhte ovddasta ruvkeláhkabargojoavkku.
Oainnut gessojuvvojit oktii loahppaháleštallamis. Dilálašvuođas báddejuvvo smávvajoavkoháleštallamiid vuhtii válddekeahttá čoahkkáigeassu, masa sáhttá oahpásmuvvat ministeriija neahttasiidduin.
Nubbi háleštallandilálašvuohta borgemánus
Borgemánus ordnejuvvo láhkaođastusa nubbi háleštallandilálašvuohta. Bargo- ja ealáhusministeriija dieđiha das sierra gulahallankanálaiguin.
Neahttajearahallan ja háleštallandilálašvuođat leat oassi láhkafidnu gullama. Evttohus ráđđehusa evttohussan sáddejuvvo cealkámušjorrosii čakčat 2020. Cealkámušjorrosa maŋŋá evttohushámus gárvvistuvvo loahpalaččat ja addojuvvo ráđđehusa evttohussan riikkabeivviide juovlamánus 2020.
Lassidieđut:
ruvkealladárkkisteaddji Riikka Aaltonen, TEM, tel. 029 506 4216
njunuš áššedovdi Niklas Vartiainen, TEM, tel. 029 504 7317