Restoráŋŋat sáhttet leat rabas áššehasaide ráddjehusaiguin olles riikkas vuossárggas 19.4. rájes

Tiedote 15.4.2021 Ravintolat voivat olla auki asiakkaille rajoituksin koko maassa maanantaista 19.4. alkaen, pohjoissaameksi

Dieđáhus 15.4.2021

Restoráŋŋaid ja earáid biebmanfitnodagaid galgá doallat gitta sotnabeaivái 18.4.2021 rádjai áššehasain daid guovlluin, gos dat lea vealtameahttun koronaepidemiija leavvama eastadeapmin. Gidden nohká Davvi-Savos bearjadaga 16.4.2021 guovllu dávdadili buorráneami dihtii.

Restoráŋŋaid sáhttet rahpat áššehasaide buot sajiin Suomas vuossárgga 19.4.2021. Dalle galgá čuovvut gaskaboddasaš ráddjehusaid, mat gusket rabasáiggi, alkohola guossohanáiggiid, áššehasaid orruma ja lihkadeami restoráŋŋa sajiin ja áššehasbáikemeriid.

Restoráŋŋagidden lea fámus guovlluin, gos dávdadilli lea duođaleamos

Restoráŋŋaid ja eará biebmanfitnodagaid gaskaboddasaš giddemis leat ásahan idjadan- ja biebmandoaimmas addojuvvon lágas. Stáhtaráđis lea lága mielde geatnegasvuohta rievdadit ásahusa giddema birii gullevaš guovlluin, jus gidden ii leat šat eanagottis vealtameahttun.

Dearvvašvuođa ja buresveadjima lágádus attii gaskavahku 14.4.2021 ođđaseamos árvvoštallama guovlluid dávdadilis. Dan vuođul gidden ii leat šat dárbbašlaš Davvi-Savos. Dán sivas stáhtaráđđi nuppástuhtii duorastaga 15.4.2021 ásahusa, mii meroštallá guovlluid giddema bires.

Biebmanfitnodagaid galgá doallat gitta áššehasaide čuovvovaš eanagottiin sotnabeaivvi 18.4.2021 rádjai:

• Uusimaa
• Aitosaš-Suopma
• Satakunta
• Kanta-Häme
• Pirkanmaa
• Päijät-Häme
• Kymenlaakso
• Mátta-Gárjil
• Mátta-Savo
• Davvi-Gárjil
• Gaska-Suopma
• Nuortabađaeana.

Giddema birii eai gula Ålánda, Mátta-Bađaeana, Kainuu, Gaska-Bađaeana, Lappi, Nuortabađaeana ja Davvi-Savo. Dáid eanagottiin biebmanfitnodagat galget čuovvut ráddjehusaid, mat leat addojuvvon njoammundávdalágain ja dan vuođul.

Ráddjehusat rabasáigái, alkohola guossohanáiggiide ja áššehasbáikemeriide

Giddema nogadettiin biebmanfitnodagaid ráddjehusaid jotket njoammundávdalága vuođul ja dan vuođul addojuvvon stáhtaráđi ásahusa njuolggadusain. Dásseválddi presideanta nanne njoammundávdalága nuppástusaid bearjadaga 16.4.2021. Lága nannema maŋŋá stáhtaráđđi sáhttá addit bearjadaga ásahusa, mas biebmanfitnodagaid ráddjehusain guovlluid guovdu mearridit dárkileappot. Dáid ráddjehusaid lea mihttomearri oažžut fápmui seammás vuossárgga 19.4.2021 giddema nogadettiin.

Sosiála- ja dearvvašvuođaministeriija dieđiha restoráŋŋaid doaimma ráddjehusain bearjadaga 16.4.2021.

Giddenbuhtadusa ohcan rahpasa 12.5.

Restoráŋŋat ja earát lágain dahje virgeoapmahašmearrádusain giddejuvvon fitnodagat sáhttet oažžut giddenbuhtadusa. Ođđa giddenbuhtadus guoská smávva fitnodagaid ja mikrofitnodagaid, main leat eanemustá 49 bargi.

Giddenbuhtadusa ohcanáigi álgá 12.5.2021. Fitnodagat ohcet buhtadusa Stáhtakantuvrras.

Stuorát fitnodagaid giddenbuhtadus lea válmmaštallama vuolde. Bargo- ja ealáhusministeriija ráđđádallá báráige Eurohpá kommišuvnnain stuorra fitnodagaid doarjaga eavttuin ja eanemusmearis.

Lassedieđut:
hálddahusráđđi Liisa Huhtala, BEM, t. 029 504 7062, restoráŋŋaid gidden
hálddahusráđđi Ismo Tuominen, SDM, [email protected], ráddjehusat njoammundávdalágain
industriijaráđđi Mikko Huuskonen, BEM, t. 0295 063 732, giddenbuhtadus

Jearaldagat ja vástádusat restoráŋŋaid giddemis 
Restoráŋŋaráddjehusat eanagottiid mielde 
Stáhtaráđi ásahus biebmanfitnodagaid rabasáiggi gaskaboddasaš ráddjemis njoammundávdda leavvama eastadeapmin addojuvvon stáhtaráđi ásahusa 2 §:a rievdadeamis almmustahtto bargo- ja ealáhusministeriija njuolggadusat -siiddus