Restauráŋŋat leat steaŋggas áššehasain 18.4. rádjái measta oba riikkas duođalaš dávdadili dihte 

Tiedote 28.3.2021 Ravintolat kiinni asiakkailta 18.4. asti lähes koko maassa vakavan tautitilanteen vuoksi, pohjoissaame

Dieđáhus 28.3.2021

Restauráŋŋat ja eará biebmanfitnodagat galget leat steŋgejuvvon áššehasain 18.4.2021 rájes dain guovlluin, gos dat vealtameahttun epidemiija jođálnuvvama botkema dihte.  

Restauráŋŋaid steŋgen lea joatkka 9.3. álgán steŋgemii ja joatkahuvvá dađi lági mielde boatkkaheamit eanangottiin, main dat lea dávdadili dihte vealtameahttun. Ovddit steŋgemis spiehkastettiin restauráŋŋat sáhttet leat rabas 29.3. rájes Ålánddas ja Lullibađaeatnamis sihke Sámis (Lappis) earret Gihttela gieldda. Davvi-Savos ja Davvi-Gárjilis restauráŋŋat dan sadjái fertejit steŋgejuvvot áššehasain mánnodaga/vuossárgga 29.3. rájes. 

Áššehasat sáhttet liikká diŋgot ja viežžat biepmu. Restauráŋŋat ja gáffestobut sáhttet steŋgema áigge vuovdit viežžanaddosiid njuolga áššehassii dehe doaimmahit daid juogo ieža dehe eará bálvalusa fálli bakte áššehassii.  

Restauráŋŋaid steŋgen lea vealtameahttun dávdadili dihte 

Biebmanfitnodagat fertejit dollojuvvot steaŋggas áššehasain čuovvovaš eanangottiin ja gielddas:

• Uusimaa

• Varsinais-Suomi

• Satakunta

• Kanta-Häme

• Pirkanmaa

• Päijät-Häme

• Kymenlaakso

• Lulli-Gárjil

• Lulli-Savo

• Davvi-Savo

• Davvi-Gárjil

• Gaska-Suopma

• Nuortabađaeanan

• Davvebađaeanan

• Gihttel

Steŋgema ollái eai gula Ålánda, Lulli-Nuortabađaeanan, Gaska-Nuortabađaeanan ja Kainuu. Dasa lassin Sámi eanangottis restauráŋŋat ožžot leat rabas earret Gihttela gieldda. 

Sámi eanangotti buohta steŋgen geahčaduvvui veaháš dárkileappot

Earret Sámi eanangotti restauráŋŋastengen lea meroštallojuvvon guoskat oba eanangotti. Riikkabeaivvit gáibidii vástádusastis ráđđehusa ovdanbuktojupmái, ahte eanangoddi, mas leat stuora gaskkat, ja mii lea hárvvet orrojuvvon, ferte geahčaduvvot dárkileappot. Riikkabeivviid oainnu sihke dearvvašvuođa eiseválddiid cealkámuša vuođul restauráŋŋat mearriduvvojit steŋgejuvvot Gihttelis, muhto eará Sámi (Lappi) gielddain restauráŋŋat sáhttet rahpasit 29.3. rájes. 

Steŋgema ákkat geahčaduvvojit vahkkosaččat 

Stáhtaráđđi rievdada ásahusa, juos steŋgen muhtin guovllus ii leat šat vealtameahttun dehe juos dávdadilli earáhuvvá juoga eanangottis duođalaččabun.  

Dain guovlluin, main restauráŋŋat eai steŋgejuvvo, biebmanfitnodagat galget doahttalit njoammudávdalága ja dan vuođul addojuvvot njuolggadusaid. Dalle restauráŋŋat galget steŋgejuvvot d. 23 ja heaitit addaleami d. 22.  

Steŋgen čuohcá buot biebmansuorggi fitnodagaide, spiehkastahkan bargoveahkarestauráŋŋat

Biebmanfitnodagat, mat steŋgejuvvojit, leat earret eará gáffestobut, restauráŋŋat, bárat ja idjakluppat, mat leat rabas álbmogii. Ráddjehus guoská maid terássaid. Viežžanaddosiid vuovdin fárrui lea goitge lobálaš maid steŋgema áigge. 

Spiehkastahkan leat dušše dat restauráŋŋat, mat eai leat rabas álbmogii. Steŋgen ii nappo guoskka ovdamearkka dihte boarrásiidsiidda boradanbáikkiid dehe bargoveahkarestauráŋŋaid, mat eai leat rabas eará áššehasaide. Biebmanfitnodagaid, mat buvttadit bargovehkii dehe stuđeanttaide biebmobálvalusaid, fitnodatdoaibmamállet ja doaibmanprinsihpat sáhttet molsašuddat olu. Juos restauráŋŋa lea rabas álbmogii, de dat gullá steŋgema ollái. 

Buhtadusmálle restauráŋŋaide lea válmmastallojuvvome 

Bargo- ja ealáhusministeriija lea válmmastallan doarjjamálle govttolaš buhtadusas fitnodagaide, maidda gustojeaddji steŋgendoaibmabijut čuhcet. Doarjjamálle ovdanbuktojupmi lea bárrásiin riikkabeivviid olis gieđahallojuvvome, ja dat ollašuhttojuvvo goasttádusdoarjaga oassin. Joatkka restauráŋŋaid steŋgemii váldojuvvo vuhtii doarjjamálle joatkkaválmmastallamis. Fitnodagat ozale steŋgenbuhtadusa Stáhtakantuvrras. Ohcan fitnodagaide sáhtálii rahppojuvvot miessemánu álggus. 

Diehtu lága ja ásahusa gieđahallamis 

Riikkabeaivvit dohkkehii ja dásseválddi presideanta váfistii 28.3.2021 lága, mainna restauráŋŋat ja eará biebmanfitnodagat dollojuvvojit gitta áššehasain gaskaboddasaččat. Láhka ja ásahus bohtet vuoibmái sotnabeaivve ja mánnodaga/vuossárgga vuostá ija 29.3.2021 diibmu 00.00. 

Stáhtaráđđi attii seamma beaivve ásahusa, mas meroštallojuvvojit eanangottit, main steŋgen lea vuoimmis. Váldoprinsihppan lea, ahte biebmanfitnodagat dollojuvvojit gitta áššehasain eanangottiin, mat leat leavvan- ja jođálnuvvanmuttus. Vealtameahttunvuođa árvvoštallamis ja mearrádusdahkama vuođđun adnojuvvo DBL áššedovdiárvvoštallan. 

Lassidieđut:
ráđđehusráđđi Liisa Huhtala, BEM, t. 029 504 7062 (restauráŋŋaid steŋgen)
industriijaráđđi Mikko Huuskonen, BEM, t. 0295 063 732 (gažaldagat goasttádusdoarjagis)

Gažaldagat ja vástádusat restauráŋŋaid steŋgemis (suomagillii)

Lassidiehtu biebmanfitnodagaid ráddjehusain SDM fierbmesiidduin (suomagillii)

Lassidiehtu buhtadusain fitnodagaide áššehassajiid steŋgemis (suomagillii) 

Riikkabeivviid vástádus ráđđehusa ovdanbuktojupmái láhkan idjadan- ja biebmanfitnodagaid gaskaboddasaš rievdadeamis (suomagillii) (HE 38/2021 vp; EV 28/2021 vp)

Stáhtaráđi ásahus rabasáiggi gaskaboddasaš ráddjemis njoammudávdda leavvama eastima dihte (suomagillii)