Restraant liâ ǩidd äʹššniiʹǩǩin 18. njuhččmannu räjja âlddsin puk Lääʹddjânnmest tuõđđâz epidemiavueʹjj diõtt
Tiedote
Tiedote 28.3.2021 Ravintolat kiinni asiakkailta 18.4. asti lähes koko maassa vakavan tautitilanteen vuoksi, koltansaame
Teâđtõs 28.3.2021
Restraant da jeeʹres restranttjäärnaǩ aʹlǧǧe ââʹnned ǩidd äʹššniiʹǩǩin 18.4.2021 räjja tõin vuuʹdin, koin tõt lij viâltʼtem epidemia hoddõõvvâm puõʹtǩǩeem diõtt.
Restraanti ǩidd piijjmõš lij juätk 9.3. älggam ǩidd piijjmõʹšše da juätkkai tiʹnt-a puåtkkneǩâni mäddkooʹddin, koin tõt lij epidemiavueʹjj kõskkvuõđâst viâltʼtem. Ääiʹjab ǩidd piijjmõõžžâst čoʹrsteeʹl restraant vuäǯǯa leeʹd äävai 29.3. ääʹljeeʹl Ahvenanmaa da Etelä-Pohjanmaa beäʹlnn di Lappi beäʹlnn Kihttel kååʹdd lokku vääʹldǩâni. Pohjois-Savo da Pohjois-Karjala beäʹlnn restraant tõn sâjja aʹlǧǧe ǩidd piijjâd äʹššniiʹǩǩin vuõssaarǥâst 29.3. ääʹljeeʹl.
Äʹššneeʹǩǩ vueiʹtte kuuitâǥ tiʹllʼjed da viǯǯâd porrmõõžž. Restraant da kååʹffpääiʹǩ vueiʹtte ǩidd piijjâm poodd kaaupšed viǯǯlemporrmõõžžid vuõiʹǧǧest äʹššnekka leʹbe tooiʹmted tõid juʹn-a jiõčč leʹbe jeeʹres kääzzkõstarjjeeʹji mieʹldd äʹššnekka.
Restraanti ǩidd piijjmõš lij viâltʼtem epidemiavueʹjj diõtt
Restranttjäärnaǩ aʹlǧǧe ââʹnned ǩidd äʹššniiʹǩǩin täin mäddkooʹddin da kååʹddest:
- Uusimaa
- Varsinais-Suomi
- Satakunta
- Kanta-Häme
- Pirkanmaa
- Päijät-Häme
- Kymenlaakso
- Etelä-Karjala
- Etelä-Savo
- Pohjois-Savo
- Pohjois-Karjala
- Keski-Suomi
- Pohjanmaa
- Pohjois-Pohjanmaa
- Kihttel
Ǩidd piijjma jiâ kuul Ahvenanmaa, Etelä-Pohjanmaa, Keski-Pohjanmaa da Kainuu. Lââʹssen Lappi mäddkååʹddest restraant vueiʹtte leeʹd äävai Kihttel kååʹdd lokku vääʹldǩâni.
Lappi mäddkååʹdd kuõskeeʹl ǩidd piijjmõõžž taʹrǩstõʹlleš miõttlubân
Lappi mäddkåʹdd looǥǥǩâni restranttǩiddpiijjâm lij meäʹrtõllum pukid mäddkooʹddid kuõskeeʹl. Eeʹttiǩ-kåʹdd õõudldi vaʹsttõõzzstes halltõõzz eʹtǩǩõʹsse, što mäddkååʹdd, koin liâ kuʹǩes kõõsk, da kååʹtt lij aassilååǥǥ mieʹldd häʹrvv, âlgg taʹrǩstõõllâd mäddkååʹdd miõttlubân. Eeʹttiǩ-kååʹdd vuäinlmõõžž di tiõrvâsvuõttveʹrǧǧniiʹǩǩi ciâlkâlm vuâđald restraant mieʹrreet ǩidd piijjâmnalla Kihttlest, leša jeeʹres Lappi kooʹddin restraant vueiʹtte ävvned 29.3. ääʹljeeʹl.
Ǩidd piijjmõõžž vuâđaid taʹrǩstõõlât neäʹttli mieʹldd
Riikksuåvtõs mõtt asetõõzz, jõs ǩidd piijjmõš koon-ne vuuʹdest ij teänab leäkku viâltʼtem leʹbe jõs epidemiavueʹǩǩ mõttai koon-ne mäddkååʹddest tuõđsubân.
Tõin vuuʹdin, koin restraantid jeät piij ǩidd, restranttjäärnǩin âlgg jääʹǩǩted njuämmamtauddlääʹjj da tõn nuäjja uvddum šeâttmõõžžid. Täʹl restraant aʹlǧǧe ǩidd piijjâd čiâss 23 da looppted alkohoolkaaupšem čiâss 22.
Ǩidd piijjmõš kuâskk pukid restranttsueʹrj põrggsid, looǥǥǩâni tuâjjlažkåʹddrestraant
Ǩidd piijjâmvuâla restranttpõrggâz liâ jeäʹrbi mieʹldd kååʹffpääiʹǩ, restraant, baar da innbaar, kook liâ äävai pukid äʹššniiʹǩǩid. Ǩidd piijjmõš kuâskk še teraassid. Viǯǯlemporrmõõžžid mieʹldd kaaaupšummuš lij kuuitâǥ seännum še ǩidd piijjâm poodd.
Lååǥǥain meädda liâ tåʹlǩ tõk restraant, kook jiâ leäkku äävai pukid oummuid. Ǩidd piijjmõš ij kuõsk ouddmiârkkân puärrsipõõrt poorrâmpaaiʹǩid leʹbe tuâjjlažkåʹddrestraantid, kook jiâ leäkku äävai jeeʹres äʹššniiʹǩǩid. Restranttjäärnǩi, kook tuejjee tuâjjlažkådda leʹbe mättʼtõõttjid poorrâmkääzzkõõzzid, jäärnaǩtåimmjem-maall da tåimmjemvuâđđjurddi vueiʹtte vaajtõõllâd jiânnai. Jõs restrantt lij äävai pukid, tõt kooll ǩidd piijjma.
Koʹrvvõsmall restraantid lij valmštõõllmõõžžâst
Tuâjj- da jieʹllemvueʹǩǩministeria lij valmštõõllâm tuärjjõsmaall toolkvaž koʹrvvõõzzâst põrggsid, koid viõǥǥâst åårrai ǩiddpiijjâmtååim kueʹsǩǩe. Tuärjjõsmaall kuõskki eʹtǩǩõs lij samai eeʹttiǩ-kååʹdd ǩiõttʼtõõllâmnalla, da tõt viiǥǥât čõõđ vueʹssen kuulltuärjjõõzz. Juätkk restraanti ǩidd piijjma vääʹldet lokku tuärjjõsmaall lââʹssvalmštõõllmõõžžâst. Põrggâz raaukče ǩiddpiijjâmkoʹrvvõõzz Riikk-konttrest. Ooccmõš põrggsid vuäitčeš ääʹveed vueʹssmannu aalǥâst
Teâđ lääʹjj da asetõõzz ǩiõttʼtõõllmõõžžâst
Eeʹttiǩ-kåʹdd priimi da tääʹssvääʹld presideʹntt nâânii 28.3.2021 lääʹjj, koin restraant da jeeʹres restranttjäärnaǩ piijât ǩidd äʹššniiʹǩǩin kõskkpoddsânji. Lääʹǩǩ da asetõs šâʹdde viõʹǩǩe pâʹsspeeiʹv da vuõssaarǥ kõskksaž iin 29.3.2021 čiâss 00.00.
Riikksuåvtõs uuʹdi seämma peiʹvven asetõõzz, koʹst meäʹrtõõlât mäddkååʹdd, koin ǩidd piijjmõš lij viõǥǥâst. Väʹlddvuâđđjurddjen lij, što restranttjäärnaǩ ââʹnet ǩidd äʹššniiʹǩǩin leävvnem- da hoddõõvvâmpooddâst åårrai mäddkooʹddin. Viâltʼteʹmesvuõđ ärvvtõõllmõõžžâst da tuʹmmstõktuâj vuâđđan ââʹnet THL äʹšštobddiarvvlõõzz.
Lââʹssteâđ:
halltõsduumšeǩ Liisa Huhtala, TEM, teʹl. 029 504 7062 (restraanti ǩidd piijjmõš)
industriaduumšeǩ Mikko Huuskonen, TEM, teʹl. 0295 063 732 (kõõččmõõžž kuulltuärjjõõzzâst)
Kõõččmõõžž da vasttõõzz restraanti ǩidd piijjmõõžžâst
Lââʹssteâđ restranttjäärnǩi rääʹjtõõzzin STM neʹttseeidain
Lââʹssteâđ koʹrvvõõzzin põrggsid äʹššneǩsõõʹji ǩidd piijjmõõžžâst
Eeʹttiǩ-kååʹdd vasttõs halltõõzz eʹtǩǩõʹsse lääʹǩǩen iinnstem- da restrantt-tåimmjummšest uvddum lääʹjj kõskkpoddsaž muʹttmest (HE 38/2021 vp; EV 28/2021 vp)
