پرسیار و وڵام سه‌باره‌ت به‌ داخستنی خواردنخانه‌کان

Kysymyksiä ja vastauksia koronasta ja ravintoloiden sulkemisesta soranin kielellä.

8.3.2021

چی دوکانێک وه‌کوو کۆمپانیای خۆراک ده‌ژمێردرێت؟ ئایا بڕیاری داخستنه‌وه‌ خواردنخانه‌کان، قاوه‌کانه‌کان و تێراسه‌کان له‌خۆی ده‌گرێت؟

کۆمپانیاکانی خۆراک بۆ نموونه‌ قاوه‌خانه‌کان، خواردنخانه‌کان، باره‌کان و یانه‌کانی شه‌وانه‌ له‌خۆی ده‌گرێت که‌ بۆ جه‌ماوه‌ر کراوه‌ن. بڕیاری داخستنه‌وه‌ی کاتی هه‌روه‌ها تێراسه‌کان و ئه‌و قاوه‌خانانه‌ و خواردنخانانه‌ش له‌خۆی ده‌گرێت که‌ پێکه‌وه‌ له‌گه‌ڵ کارێکی دیکه‌ هه‌ن، بۆ نموونه‌ له‌ به‌نزینخانه‌کان یان له‌ناو دوکانێکدا.

بڕیاری داخستنه‌وه‌ ئه‌و کۆمپانیانه‌ی خۆراک له‌خۆی ده‌گرێت که‌ له‌و ناوچانه‌ن که‌ په‌تای کۆرۆنا لێی له‌ قۆناخی بڵاوبوونه‌وه‌ و زیادبوونه‌وه‌دایه‌. بڕیاره‌ک ئه‌و کۆمپانیانه‌ی خۆراک له‌خۆی ناگرێت که‌ له‌و هه‌رێمانه‌ن که‌ په‌تا لێی له‌ پله‌ی بنچینه‌ییدایه‌.

ئایا داخستنه‌وه‌ی خواردنخانه‌کانی کارگاکانیش له‌خۆی ده‌گرێت؟ چی شوێنێک وه‌کوو خواردنخانه‌ی کارگا ده‌ژمێردرێت؟

بڕیاری داخستنی خواردنخانه‌کان ئه‌و خواردنخانانه‌ی کارگاکان له‌خۆی ناگرێت که‌ خۆراک بۆ کرێکاره‌کانی کارگاکه‌ پێشکه‌ش ده‌کات یان به‌ شێوه‌یێکی دیکه‌ بۆ بڕێکی به‌سنۆرکراوی مشته‌ری. شتی گرینگ ئه‌وه‌یه‌ که‌ ئایا خواردنخانه‌که‌ بۆ که‌سانی ده‌ره‌کیش کراوه‌یه‌ یان ته‌نیا بۆ گرووپێکی دیاریکراوه‌.

خواردنخانه‌کانی پیرخانه‌کان، نه‌خۆشخانه‌کان، سه‌ربازگاکان، زیندانه‌کان، باخچه‌کانی منداڵان و خوێندنگه‌کان و خواردنخانه‌کانی دیکه‌ی کارگاکان که‌ بۆ جه‌ماوه‌ری ده‌ره‌وه‌ نین ده‌کرێت له‌مه‌و به‌دواشه‌وه‌ کراوه‌ بن. به‌ڵام ده‌بێت ئه‌وانی پابه‌ند بن به‌ ڕێنمایه‌کانی بۆ په‌تای کۆرۆنا دانراون. زانیاریی زیاتر:

  ڕاگه‌یاندنی وه‌زاره‌تی کۆمه‌ڵایه‌تی و ته‌ندورستی ۲٦/۲. فه‌رماننامه‌ی سه‌باره‌ت به‌ به‌سنۆرکردنی خواردنخانه‌کان

https://stm.fi/en/-/government-issues-decree-restricting-the-activities-of-food-and-beverage-service-businesses

  ڕاگه‌یاندنی وه‌زاره‌تی کۆمه‌ڵایه‌تی و ته‌ندورستی ۲٦/۲. درێژه‌ ده‌درێت به‌ به‌سنۆرکردنی خواردنخانه‌کان تا ۳۰/٦/۲۰۲۱ 

https://stm.fi/en/-/restrictions-on-food-and-beverage-service-businesses-in-effect-until-30-june-2021

ئایا ده‌کرێت خواردنخانه‌ شێوازی کاره‌که‌ی بگۆڕێت و چێشت پێشکه‌ش بکات ته‌نیا به‌ کرێکاره‌کانی کارگایه‌ک؟

له‌ یاسادا هیچ ڕێگیریێک بۆ ئه‌وه‌ نیه‌ که‌ خواردنخانه‌یه‌ک شێوازی کاره‌که‌ی بگۆڕێت و ببێت به‌ خواردنخانه‌ی کارگا که‌ چێشت پێشکه‌ش بکات به‌ گرووپێکی دیاریکراو.

به‌ڵام باشه‌ ئه‌و کاته‌ گۆڕانکاریه‌که‌ به‌ ئاشکه‌رایی به‌ مشته‌ریه‌کان ڕابگه‌یێندرێت بۆ که‌ ئه‌وها نه‌بێت که‌ له‌لای مشته‌ریه‌کان گومانێکی ئه‌وها دورست ببێت که‌ جیاوازی له‌ نێوانیاندا ده‌کرێت.

مه‌به‌ست له‌ فرۆشتنی بۆ ده‌ره‌وه‌ چیه‌؟

خواردنخانه‌کان و قاوه‌خانه‌کان ده‌کرێت خۆراک و خواردنه‌وه‌ یه‌کسه‌ر به‌ مشته‌ریه‌کانیان بفرۆشن یان که‌ له‌گه‌ڵ خۆیان ببه‌ن یان به‌خۆیان به‌ به‌ ڕێگای به‌ڵێنده‌رێکی دیکه‌ بۆ مشته‌ریه‌کانیان بگه‌یێنن به‌ ماڵیان.  

مشته‌ری بۆی هه‌یه‌ خۆراک له‌ بوفێتیش خڕ بکاته‌وه‌ و له‌گه‌ڵ خۆی بیبات.  

نابێت خۆراک یان خواردنه‌وه‌ له‌ناو قاوه‌خانه‌ یان خواردنخانه‌ یان له‌ هه‌یوانه‌که‌یان بخۆرێت، پێویسته‌ بۆ ده‌ره‌وه‌ بیبرێت.

فرۆشتنی بۆ ده‌ره‌وه‌ ده‌بێت به‌ شێوه‌یێکی ئه‌وها ڕێکبخرێت که‌ مه‌ترسیی بڵاوبوونه‌وه‌ی په‌تا ڕوو نه‌دات.

ئایا ڕێگا پێ دراوه‌ که‌ ئه‌ڵکۆلیش بۆ ده‌ره‌وه‌ به‌ مشته‌ریه‌کان بدرێت؟

نابێت خواردنه‌وه‌ی ئه‌ڵکۆڵی بۆ خواردنه‌وه‌ی له‌ناو خواردنخانه‌ به‌ مشته‌ریه‌کان بفرۆشرێت. له‌ فینله‌ندا به‌ سه‌دان خواردنخانه‌ هه‌ن که‌ مۆڵه‌تی فرۆشتنی ئه‌ڵکۆڵ بۆ ده‌ره‌وه‌شیان هه‌یه‌. ئه‌و خواردنخانانه‌ له‌مه‌و به‌دواشه‌وه‌ ده‌کرێت مه‌شرۆبی تا پله‌ی ٥،٥ له‌سه‌د به‌ مشته‌ریه‌کان بفرۆشن بۆ که‌ له‌گه‌ڵ خۆیان بۆ ده‌ره‌وه‌ ببه‌ن. فرۆشتنی ئه‌ڵکۆڵ له‌و خواردنخانانه‌ هاوشێوه‌یه‌ له‌گه‌ڵ فرۆشتنی ئه‌ڵکۆڵ له‌ دوکانه‌کان.

مه‌به‌ست له‌ قۆناخه‌کانی بنچینه‌یی، زیادبوونه‌وه‌ و بڵاوبوونه‌وه‌ چیه‌؟

پۆڵینکردنی ناوچه‌کان له‌سه‌ر قۆناخه‌کانی بنچینه‌یی، بڵاوبوونه‌وه‌ و زیادبوونه‌وه‌ له‌سه‌ر بنه‌مای به‌رنامه‌ی ستراتیجیی دووقۆڵی وه‌زاره‌تی کۆمه‌ڵایه‌تی و ته‌ندورستیه‌ بۆ به‌ره‌نگاربوونی په‌تای کۆرۆنا.

  زانیاریی زیاتر له‌سه‌ر پێگه‌ی وه‌زاره‌تی کۆمه‌ڵایه‌تی و ته‌ندورستی

https://stm.fi/koronavirusepidemian-tasot

یاسای په‌یدا و هه‌روه‌ها ڕێنمایه‌کانی به‌سنۆرکردنی کاروباری خواردنخانه‌کان و هۆتێله‌کان به‌پێی بارودۆخی په‌تا له‌ هه‌ر ناوچه‌یه‌ک به‌ فه‌رماننامه‌کانی حوکوومه‌ت ده‌سه‌پێندرێن. بڕوانه‌ وه‌ڵامی پرسیاری “کۆمپانیاکان چۆن ده‌زانن که‌ ئایا ناچارن مشته‌ریگه‌کانی خۆیان له‌ دابخێن و ئایا به‌سنۆرکردنه‌کان چی کۆمپانیایێک له‌خۆی ده‌گرێت”.

کۆمپانیاکان چۆن ده‌زانن که‌ ئایا ناچارن خزمه‌تگه‌کانی خۆیان له‌ مشته‌ریه‌کان دابخێن و ئایا به‌سنۆرکردنه‌کان چی کۆمپانیایێک له‌خۆی ده‌گرێت؟

له‌ فه‌رماننامه‌ی حوکوومه‌تدا ئاماژه‌ ده‌کرێت به‌و پارێزگایانه‌ که‌ خواردنخانه‌کانی له‌وێ پێویسته‌ مشته‌ریگه‌کانیان دابخرێن.

بڕیاری داخستنه‌وه‌ی کاتی خواردنخانه‌کانی ئه‌و ناوچانه‌ له‌خۆی ده‌گرێت که‌ پێویسته‌ ڕێگا له‌به‌ر زیادبوونه‌وه‌ی په‌تا بگیرێت واته‌ ئه‌و ناوچانه‌ که‌ په‌تای کۆرۆنا لێی له‌ قۆناخی بڵاوبوونه‌وه‌ یان زیادبوونه‌وه‌دایه‌. خواردنخانه‌کان له‌و ناوچانه‌ داناخرێن که‌ په‌تا له‌ پله‌ی بنچینه‌ییدایه‌.

بۆچی هه‌موو خواردنخانه‌کانی ناوچه‌کانی بڵاوبوونه‌وه‌ و زیادبوونه‌وه‌ داده‌خرێن؟  

 داخستنی کاتیی خواردنخانه‌کان یه‌کێک له‌و چالاکیانه‌یه‌ که‌ حکومه‌ت هه‌وڵ ده‌دات پێیان بەرەنگاری تەشەنەسەندنی خێرای ڤایروسی کۆرۆنا وبڵاوبوونەی خێراترین جۆری گۆڕاوی کۆرۆنا بێت. . بڕیاره‌که‌ی حکومه‌ت له‌سه‌ر بنه‌مای بارودۆخی نائاساییه‌ که‌ فینله‌ندا تووشی بووه‌. پێشنیازەکەی حوکوومەت لەسەر ئەو بنەمایەیە کە فینلەندا لە باری نائاساییدایە.

لە خواردنخانەکان، قاوەخانەکان و مەیخانەکان پەیوەدیی نێوان مرۆڤدا چڕە و پەتا بە ئاسانی بڵاو دەبێتەوە. هەروەها شێوازی گۆڕاوی کۆرۆنا بڵاوبوونەوەی پەتا زیادتری کردووە.

خواردنخانه‌کان و قاوه‌خانه‌کان ده‌کرێت له‌ ماوه‌ی داخستنه‌وه‌شدا خواردن بۆمشته‌ریه‌کانیان بیبه‌ن بۆ ماڵیان با بفرۆشن به‌ مشته‌ریه‌کان بۆ ده‌ره‌وه‌ ببه‌ن.

بڕیاری داخستنه‌وه‌ چه‌ند کۆمپانیا له‌خۆی ده‌گرێت؟  

به‌پێی ناوه‌ندی ئامار ساڵی ۲۰۱۹ ژماره‌ی کۆمپانیاکانی خۆراک له‌ فینله‌ندا پێکه‌وه‌ ۱۳٤۷۳ و قه‌واره‌ی بازرگانیان ٦۳۹۰ میلیۆن ئێورۆ بوو. ژماره‌ی کارمه‌نده‌کانی ئه‌و که‌رته‌ ٦۰٥۱۹ بوو.

بواری خۆراک به‌ تایبه‌تی له‌ پارێزگای ئووسیمایه‌ که‌ له‌سه‌دا ۳٥ کۆمپانیاکانی خۆراک، له‌سه‌دا ٤۲ کرێکار له‌سه‌دا ٤۳ی قه‌واره‌ی بازرگانیی له‌و پارێزگایه‌یه‌. دوای ئه‌وه‌ پارێزگاکانی پیرکانما و ڤارسینایس-سوۆمین که‌ هه‌ریه‌کێکیان خاوه‌نی له‌سه‌دا ۱۰یه‌.

ئه‌و پارێزگایانه‌ی که‌ بڕیاری داخستنه‌وه‌ی کاتی له‌خۆی ده‌گرێت، له‌ فه‌رماننامه‌یێکی حوکوومه‌تدا دیاری ده‌کرێن که‌ له‌گه‌ڵ یاسایه‌که‌ بڵاو ده‌کرێته‌وه‌.

به‌سنۆرکردنه‌وه‌ تا که‌ی ده‌بێت؟

خواردنخانه‌کان و کۆمپانیاکانی دیکه‌ی خۆراک ب ئۆمشته‌ریان داده‌خرێن بۆ ماوه‌ی سێ هه‌فته‌. ئارمانج ئه‌وه‌یه‌ که‌ بڕیاری داخستنه‌وه‌ له‌ ۸/۳/۲۰۲۱دا ده‌ستی پێ بکات و له‌ ۲۸/۳/۲۰۲۱دا کۆتایی پێ بێت.

له‌ فه‌رماننامه‌ی حوکوومه‌تدا ده‌نووسرێت که‌ کام ناوچه‌ مشته‌ریگه‌کان ده‌بێت دابخرێن. به‌پێی یاسا حوکوومه‌ت ده‌بێت فه‌رماننامه‌که‌ بگۆڕێت ئه‌گه‌ر ناوچه‌یێک ئیتر له‌ پله‌ی بڵاوبوونه‌وه‌ یان زیادبوونه‌وه‌ی کۆرۆنادا نه‌مێنێت.

ده‌وڵه‌ت چۆن یارمه‌تیی ئابۆری به‌ خواردنخانه‌کان، قاوه‌خانه‌کان و باره‌کان ده‌دات ماده‌م که‌ کاره‌که‌یان قه‌ده‌خه‌ ده‌کات؟   

وه‌زاره‌تی کار و ئابۆری به‌خێرایی پاکێتێکی یارمەتیکردنی گونجاوی خواردنخانه‌کان ئاماده‌ ده‌کات بۆ قه‌ره‌بووکردنی زیانه‌کانی به‌هۆی داخستنه‌وه‌.

زانیاریی زیاتر سه‌باره‌ت به‌ به‌سنۆرکردنه‌کانی دیکه‌ی خواردنخانه‌کان له‌کوێ به‌ده‌ست ده‌که‌وێت؟

فه‌رمانگه‌ی هه‌رێمی به‌پێی گۆڕانکاریه‌کانی کاتیی یاسای په‌تا چاودێریی ئه‌وه‌ ده‌کات که‌ خواردنخانه‌کان پابه‌ندی شه‌رتومه‌رجه‌کان و به‌سنۆرکردنه‌کان بن.

  زانیاریی زیاتر له‌سه‌ر پێگه‌ی فه‌رمانگه‌ی هه‌رێمی بخوێنه‌:

فه‌رمانگه‌کانی هه‌رێمی خزمه‌تێکی ته‌له‌فۆنیان کردۆته‌وه‌ سه‌باره‌ت به‌ کاروباری خواردنخانه‌ و به‌ڕێکخستنی چالاکیه‌کان: خزمه‌تی ته‌له‌فۆنی ۰۲۹٥۰۱٦٦٦٦، دووشه‌ممه‌-هه‌ینی کاتژمێر۸–۱۱ و ۱۲–۱٦، ئیمێل
[email protected]

که‌ی زانیاریی وردتر سه‌باره‌ت به‌ کردنه‌وه‌ی مشته‌ریگه‌کان به‌ خواردنخانه‌کان ده‌درێت؟  

کاتێک که‌ بڕیاری داخستنه‌وه‌ی کاروباری هۆتێله‌کان و خواردنخانه‌کان کۆتایی پێ بێت له‌ ۲۸/۳/۲۰۲۱دا، به‌سنۆرکردنه‌کانی به‌پێی یاسای په‌تا و فه‌رماننامه‌کان دراون له‌ کارا ده‌مێنن تا ۳۰/٦/۲۰۲۱. وه‌زاره‌تی کۆمه‌ڵایه‌تی و ته‌ندورستی ئاماده‌کاریی هه‌ندێک گۆڕانکاری ده‌کات که‌ بۆ کردنه‌وه‌ی شوێنه‌کان پێویستن و ئه‌و گۆڕانکاریانه‌ له‌ ۲۹/۳/۲۰۲۱وه‌ ده‌ست پێ ده‌کرێن. سه‌باره‌ت به‌و ئاماده‌کاریه‌ ڕاگه‌یێندراوه‌یه‌کی جیاواز بڵاو ده‌کرێته‌وه‌.

بۆچی داخستنه‌وه‌ی خواردنخانه‌کان هه‌روه‌ها خواردنخانه‌کانی به‌نزینخانه‌کانیش له‌خۆی ده‌گرێت؟

به‌پێی پێشنیازی حوکوومه‌ت داخستنه‌وه‌ هه‌موو ئه‌و خواردنخانانه‌ له‌خۆی ده‌گرێت که‌ بۆ جه‌ماوه‌ر کراوه‌ن. بۆیه‌ هه‌روه‌ها خواردنخانه‌کانی به‌زینخانه‌کان و قاوه‌کخانه‌کانیش له‌خۆی ده‌گرێت و سه‌باره‌ت به‌وه‌ هیچ جیاوازیه‌ک نیه‌.

پێویست نیه‌ هه‌موو به‌نزینخانه‌ دابخرێت به‌ڵام پێویسته‌ که‌ ته‌نیا به‌شی خواردنخانه‌که‌ له‌ مشته‌ریه‌کان دابخرێت. له‌مه‌و به‌دواشه‌وه‌ خواردنخانه‌کان ده‌کرێت خۆراک به‌ مشته‌ریه‌کانیان بفرۆشن بۆ که‌ له‌گه‌ڵ خۆیان ببه‌ن، و دوکان و ئاوده‌ستخانه‌کانی به‌نزینخانه‌کان ده‌کرێت هه‌ر کراوه‌ بن.